在職場打拼有一定積蓄後，不少打工仔會退休到世界各地遊歷；亦會有人選擇常年工作過穩定的生活。近日，有打工仔在Threads發帖，指公司有位80歲的阿伯同事，會用電腦處理複雜工作，不解為何到這個歲數還不退休去「嘆世界」……與自己的心態形成鮮明對比。
樓主分享職場趣事，指80歲的阿伯同事與尚未30歲的自己選擇有大不同，「公司有個就嚟80歲嘅阿伯，行得走得好健康，仲識得電腦做啲advance嘢，但唔係好明點解佢無退休去嘆世界，我依家未夠30歲都想退休啦。」
職場熱話｜網民拆解4大原因
兩人心態的巨大差比引起網民議論紛紛，拆解阿伯同事如今還未選擇退休有4大原因：
規律生活，延年益壽：「佢咁先無咁易腦退化」、「一退就會體能，腦筋都退」、「佢行得走得又識用電腦冇同社會脫節，好大原因就係因為有返工」。
保持社交，精神寄託與個人價值：「無晒社交又無存在價值」、「喺屋企又冇嘢做，就算80歲，返工可能仲有嘢貢獻畀到公司，退休日日落公園做，同其他阿伯吹水其實仲悶」、「唔返工覺得好悶」。
維持家庭關係和睦：「以前返工屋企嘢老婆搞掂，好多老男人退休冇嘢做，想幫手做下屋企嘢，唔合老婆心水就會嘈。搵到一個位置有糧出......唔使同老婆嘈，夫妻關係仲好咗」。
個人選擇與價值觀差異：「佢哋未必有我哋咁多興趣，有咁多想做，好多地方都去咗，亦都無興趣再去，再加上無人陪。自己一個又唔會去得遠」、「因為返工係佢快樂之源，佢鍾意返工，你鍾意嘆世界，各有喜好」、
No comments:
Post a Comment